葡式薯蓉青菜湯

細個哥時去食西餐，成日都好想叫呢個湯，但啊媽成日都唔俾人叫。又話好貴架！
飲水啦！= ="所以我好好奇，到底咩嘢咁貴！大個發現咗，原來就係咁簡單！有幾貴姐～俾騙了的童年啊～～～嗚呀～～好啦～等我就話俾大家知，呢個湯其實好易搞得掂！

材料：
薯仔2~3個(視乎大小)
蒜蓉4茶匙
洋蔥半個
白菜4~5棵
雞湯250ml
葡國腸數片

     1.洋蔥切粒，白菜葉切絲，葡國腸切絲備用。

             

2.薯仔連皮放入電飯煲蒸熟至筷子輕易穿過，去皮，切大粒備用。或者用白烚方式煲熟亦可。

3.白菜切頭備用。

4.蒜蓉，洋蔥，凍鍋落橄欖油炒香約3分鐘。

  

5.薯仔粒和白菜頭加入清水(剛剛蓋過材料面便可),再加入炒香的步驟(3),大火煲至白菜熟透。

                                                 

6.這時候可以用攪拌器打蓉步驟(4)至滑身沒有薯粒。

7.再加入雞湯煲至15-20分鐘,途中記得攪拌，加鹽調味，上碟，加上青菜絲和葡國腸絲，(喜歡可加1小匙橄欖油)即成。

tips:

凍鍋落油炒香洋蔥和蒜泥不會導致變色，假如這步驟炒至金黃色會影響湯的顏色，就沒有奶白色了。

白菜頭盡量把綠色的菜菜都去掉，打出來的湯顏色就會更奶白色。