焗蒜香雞翼

無論咩時候都好雞翼都係最受歡迎又較容易煮嘅餸菜!

雞翼嘅食法可以千變萬化，嚟緊我會係呢度分享更多雞翼食譜！

多數整雞翼都會用焗嘅方法，因為又唔使點睇火，夏天熱辣辣，都可以偷下懶，走開一陣，唔使對住個火，不過要小心，我成日都俾焗爐辣親手！記得要用焗爐手套慢慢攞出嚟！

材料：

雞中翼1磅

油2匙

蒜蓉1匙

老抽1匙

鹽3匙

糖1匙

雞粉1匙

胡椒粉少許

白酒1匙

後加:

牛油小許

蒜鹽粉少許

紅椒粉paprika 少許(如無可以不加)

Parsley (如無可以不加)

步驟：

1.雞中翼解凍後，瀝水，待15~20分鐘等水分乾透。

2.放入蒜蓉，鹽，雞粉，胡椒粉，糖，老抽醃料與雞中翼攪渾，封好保鮮紙。

3.最小把雞翼醃3小時或以上，愈耐愈入味，過夜更佳！

4.雪櫃最出雞翼待約10分鐘後，把焗爐預熱200度。

5.雞翼在焗盤排好，灑上蒜鹽粉，上下火以240度左右，焗15分鐘小心最出，雞翼塗上牛油，紅椒粉 再焗7至10分鐘至金黃色，關火。

6.最出灑上Parsley即成。

魔法小tips:

雞翼可放一匙鹽解凍，可以去雪味，而且解凍後有大量水分，瀝乾水自然風乾15分鐘味道更佳。

後加的香料尤其是蒜鹽粉可令雞翼皮脆和提升蒜香味道。

每家的焗爐牌子不一，度數火力可能有偏差，以上度數是大約。

我用開嘅西餐香料就係呢隻牌子，各大超市較容易搵到。
好多時候，煮西餐經常都會用到嘅香料，如果無其實都可以唔落，不過味道會差咁dd。

百里香用嚟整雞，肉類等

　

紅椒粉睇上去好似好辣，但其實偏甜同可以增添食物嘅賣相！

Parsley都可增添食物嘅色香味，好多時意粉上面都會灑上一點！

多謝收看！