日式鰹魚紫菜蒜蓉包

係香港生活相對澳門之下真係大不同。諗住P記嘅蒜蓉包差芝麻買唔到，係屋企樓下行到腳仔軟都搵唔到，喊出嚟！到底係邊到有得買呢？算！我靈機一觸，灑d日式鰹魚芝麻紫菜上去未得囉！出嚟嘅效果，果然.......唔錯唔錯！！自己整絕對無防腐劑，無空窿tim~!

材料:

高筋麵粉300g

暖水160g

美國雞蛋1隻

鰹魚芝麻粉適量

鹽1g

砂糖40g

牛油15g

乾酵母1/2匙

蒜蓉牛油8匙

蒜蓉牛油製作:
1.把蒜頭磨成茸或切碎。
2.加入牛油放入焗爐220度焗5分鐘，備用。

　　　　　　　

麵團步驟:

1.先用2匙水把乾酵母開水。
2.麵粉，酵母，鹽，糖，蛋，牛油，續少加水猜至麵團光滑。

3.麵團加上保鮮紙待發酵至兩倍大，約1小時。
4.取出麵團猜渾，排出空氣。

5.可把麵團分割兩舊(可以不分開亦可)，再蓋上保鮮紙發酵10~15分鐘。
6.其中一舊造型後，放入焗盤蓋上保鮮紙再發酵45分鐘。

7.麵團面塗上蛋汁或鮮奶後，灑上鰹魚芝麻粉。

8.焗爐預熱180度焗18分鐘~20分鐘。

9.取出用麵包刀切開一片片，之間塗上蒜蓉牛油再焗3~5分鐘，即成！

小tips

猜任何麵團一樣，水不可以一次過落完。