Sa記早晨全餐

出面食乜都話危險又過期又剩!

咁就唯有自己整個早晨全餐啦!

就咁計，自己整都係十幾蚊成本，雖然自己整係麻煩ｄ，起碼食得安心又放心！

以下是兩人份量。

薯餅材料：

大薯仔3個或者細薯仔5個(我今次係用韓國細薯仔)

鹽半匙

生粉2匙

步驟:

1.薯仔去皮，切片，切條，切粒。
2.蓋上保鮮紙或抺手紙，入微波爐叮中火5分鐘左右，用蒸的方法7分鐘亦可。
3.取出後落鹽和生粉攪拌。
4.待微涼後,手濕少許水手握薯粒成塊狀，落油中火半煎炸至金黃色即可。

滑蛋材料:

4隻美國雞蛋

牛奶3湯匙

鹽少許

步驟:

1.把漢堡扒煎香，muffin塗牛油烘熱。
2.把雞蛋打渾落牛奶和鹽。(牛奶可使雞蛋滑dudu)

3..落油中火滾起，轉細火，落蛋漿，用鍋鏟或牛油刮把蛋漿向內推，見圖狀可以熄火。

4.擺碟即成！

魔法小tips

薯餅加入生粉後會很黏手，手拍水份可避免情況。

薯餅先炸因為製作時間較長，所以炸後很快變淋，可以用焗爐烘1分鐘左右就能變回脆口。

滑蛋最重要的是火喉，太大火就變煎香蛋了。